01
04.2016

失眠的種種原因 安眠藥 手痺 生命安全

美容時尚(身體)   飲食烹飪   親子育兒  

失眠的原因 安眠藥 手痺    

失眠 安眠藥 生命安全

 

失眠的原因 安眠藥 手痺 2012.08.15      

婆婆說:「我早上醒來的時候經常覺得手痺,問過醫生,醫生話我睡眠姿勢唔正確,無法啦!不過最近同班耆英去旅行,個同房話佢成晚起身去小便,去咗幾次,次次見我都係側住個身,個姿勢都一樣,唔通好瞓成咁,幾個鐘頭,無理由郁都唔郁下。諗諗吓有啲驚驚地,唔通佢死咗,就伸隻手去試吓睇吓我有無呼吸。好彩,仲有呼吸,仲未死,不過就俾你嚇到瞓唔到啦。佢又問我知唔知佢成晚起身去小便。我知我食咗安眠藥瞓覺就乜都唔知嘅,但係就唔知會郁都唔郁,唔會轉身嘅。唔怪得啦,成晚側住個身壓住隻手郁都唔郁,想唔痺都唔得啦,醫生仲話我睡眠姿勢唔正確,原來咁解!我唔想再食安眠藥啦,咁恐怖!」。

我說:「睡眠姿勢正唔正確呢個問題,我就覺得好攪笑,好似你咁,就係被迫固定姿勢,唔知算正確唔正確啦!專家話正常瞓覺會發夢,咁應該都會郁囉!我就覺得最簡單莫過於夏天瞓熱咗個位,應該識自動轉身至算正常。瞓著覺就無理由有意識控制姿勢。」。

婆婆問:「我有啲朋友話中藥都醫失眠,唔知真唔真?」。

我笑說:「中國是世界四大文明古國之一,應該有很多過人之處的。歷史記載神農氏嘗百草已經是數千年前的事。西醫進入香港人的心只有百年,各有長短,你信甚麼悉隨尊便。」。

婆婆問:「係唔係好似西醫咁,人人都係食果幾種呢?」。

我說:「失眠的原因很多,最簡單,又可能無人未試過的,就係太凍,凍到瞓唔著;熱到瞓唔著;又如飢寒交逼,聽過吧,都會瞓唔著;再如嘈到瞓唔著;又如你個朋友被你嚇到瞓唔著;又有激到瞓唔著,興奮到瞓唔著,吃得太飽等等都是大家都可能試過的。其它的如環境太潮濕、有痛症等等。要找出原因,不同的病因用不同的方法治療。」。

婆婆說:「我以前服鎮靜劑,而家食安眠藥,邊樣重啲呀。」。

我說:「鎮靜劑是神經系統抑制劑,應該係安眠藥劑量重。」。

婆婆說:「怪不得啦,我仲以為自己好好瞓添!原來係不醒人事,怪不知平時人哋話外面嘈到拆天我都唔知啦,藥力未過,真係不醒人事嘅!醒咗都仲感覺矇矇地,要活動一陣先至會好啲。」。

有一次,婆婆說:「幾好喎!我瞓覺前乜瞓覺藥都無食啦,我知自己有轉身,瞓醒覺個人覺得好醒神,隻手無痺!」。

頁首的照片是風信子 

*****

失眠 安眠藥 生命安全 2009.10.22   

如果火燭 實燒死我先

她,五十餘歲,已經記不起依靠安眠藥多少年了。

她說:「自從丈夫中風之後,因乏人照顧,所以入住老人院。我下班後會去老人院看丈夫。晚上,大部份時間都是獨居的。某天看到一則火燭的新聞,我突然想到,如果火燭,實會燒死我先,因為我吃了安眠藥睡覺是甚麼聲音也聽不到,發生甚麼事都不知道的!平時有事,丈夫會叫醒我,但是現在誰會來叫我呢?我知道中藥能改善失眠狀況的,所以來見你。」。

有一次她對我說:「我假期會停服安眠藥,也能入睡。有一次,兒子深宵回來,我聽到開門聲,轉過身我又睡著了;有時街外有較大的聲音我也能聽到,轉過身我又可以睡著了,我覺得這樣才是睡眠,生命也有些保障;從前是大昏迷,我並不喜歡。」。

又有一次,她說:「我很高興,因為有時我中西藥都忘記吃,也睡得不錯呢!只是我發現有時吃晚餐時飲了汽水就會睡不好,有時飲奶茶問題也不會太大,還可以比較飲汽水好一些,有點奇怪!」。

我說:「有些汽水或果汁飲品的提神作用相當強。自己知道了,就知應該怎樣選擇了。」。

 

發表於2016.4.01
留言(0)
博客名稱 :
siusiusiuec
網誌名稱:
siusiusiuec's blog
使用天數:1,899
按月份瀏覽
    2020
  • 一月
  • 二月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 生活品味
  • 其他
自行分類