16
05.2017

今日執屋發現好多野唔知留唔留喺屋企好~有朋友提議我用迷你倉箱?

數碼科技   生活品味(本地)   其他  
標籤: 迷你倉  迷你箱 

今日執屋發現好多野唔知留唔留喺屋企好~有朋友提議我用迷你倉箱?

我之前對迷你倉哩樣服務一D概念都無, 傻下傻下咁同朋友上去屋企附近既工廠大廈睇睇~喺果度果然有好多唔同既迷你倉公司~反正都係睇,咪逐間逐間望下,睇下有咩唔同,同埋順便做下師奶仔格下價囉~點知睇睇下,突然又有D新概念,原來而家除左迷你倉之外,仲有一樣新野叫做迷你箱,最主要唔同既係迷你倉係一大個空間俾你自己擺野入去,而迷你箱就俾D唔同尺寸既箱仔你去擺你自己既物品; 聽落去好似一樣,但其實收費同服務範疇都略有不同,擺到明係針對唔同既客人而出~果個客戶經理不停咁介紹俾我地2條友,佢話幾重要有以下3個point:

一 你要存放d乜野先?

就咁睇個名,外行人如我都知道迷你倉與迷你箱最大分別就係佢地既儲存量同大小喇。迷你倉成個倉咁大, 比較啱擺d大件少少既雜物, 或者數量好多既大件物品, 好似大件既家具電器, 甚至係古董; 而相比迷你倉, 迷你箱既既載貨面積就比較細, 比較啱d細件少少既野,好似衫褲鞋襪丫, 書丫, 漫畫丫, 唱片等等~不過我見到除左細箱之外, 佢地都可以提供到一d大d既箱俾你寄存~我見到誇張到連滑雪用品,電腦, 單車都可以儲存到~如果到時真係有咁多件,真係可以問問~佢話會幫你度身訂做個儲存PLAN~

二 你要擺埋既野,要擺幾耐,會唔會成日要攞返出黎?

做個少少RESEARCH後, 9成既迷你倉都係開7x24既, 我地鍾意幾時上去攞野都得~ 如果儲存既果樣野係成日都要用既, 咁我建議你地租迷你倉會比較方便自己~調返轉,如果你要儲存既野係pack好晒又唔多洗點理佢,我地大可以叫迷你箱公司上門過黎收件,佢地會有專人上黎收,就算連第時唔用果陣佢都會有專人車返俾你~佢地話只要提早預約既話,仲可以送到第2間分店wor~例如我地要搬屋,我地可以叫佢地幫我地送去佢地就近既公司,咁哩個服務又幾貼心又方便到用家既~

三 你budget幾多呢?

 

其實租箱又好, 租倉都好~ 始終租金費用都係其中一個最重要的因素~就算好似我咁,乜都唔知傻下傻下走上去都估到迷你箱實平過迷你倉喇~咁始終一個箱擺得幾多野丫,點可能同成個倉一個咁大既空間比丫~不過俗語都有話,你無奶油生人霸死地~更何況霸要錢架wor~所以如果你要擺既野唔算太多, 咁倒不如租迷你箱,幫自己荷包慳一慳錢。仲有有一樣野要留意, 係決定租用之前,要睇下箱同倉唔同公司的收費價目表,佢地唔係淨係租金咁簡單~ 例如, 好似租迷你箱咁, 擺埋左件野之後,如果想攞返出黎可能又要有取件費; 兩者租用年期長短都會有影響個價目, 大家最好計一計數先好決定~揀邊樣都係取決於邊樣服務suit你自己多d,如果屋企好似我咁又細,但又多野擺,真係要好好諗下佢~

發表於2017.5.16
留言(0)
博客名稱 :
Westbrook
網誌名稱:
Westbrook000's blog
使用天數:1,010
性別:
按月份瀏覽
    2020
  • 一月
  • 二月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 親子育兒
  • 數碼科技
  • 生活品味
  • 藝文創作
  • 其他